Move to iOS po hasë kundërshtim të madh në Play Store!
Por e keqja u bë, me ofrimin e këtij aplikacioni, përdoruesit Android ku në kuptimin e plotë kanë përmbytur me kritika negative Apple, duke shkruajtur shumë komente ironike për kalimin nga Android në iOS, duke shkruar se një lëvizje e tillë nuk ka fare llogjikë pasi shumë përdorues e konsiderojnë Android O/S si më të avancuar nga iOS.
Karakteristike është gjithashtu fakti se ky aplikacion deri në pak momente më parë është vlerësuar nga gati 22.000 përdorues me mesatare 1.7 me 5, pra me 5 e kanë vlerësuar gati 4.500 përdorues. Gjithashtu interesante është se aplikacioni është vlerësuar vetëm me 1 dhe me 5. Pra nga këto shifra është fare e lehtë të dallosh se vlerësimi është bërë vetëm nga ata përdorues që simpatizojnë shumë Apple ose nga ata që e urrejnë, nuk ka fare persona të ndërmjetëm.
Sigurisht që ka edhe komente ekstreme si të tipit “mos e instaloni këtë aplikacion ose po e bëtë do të thotë se nuk jeni në rregull” por ka komente edhe më të buta si “nga momentin që nuk bëhet fjalë që një gjë e tillë të lejohet në App Store pasi Apple nuk mund ta lejojë një gjë të tillë, nuk është e drejtë një lëvizje e tillë” .
Në Play Store ekziston mundësia për përgjigje të komenteve nga krijuesi i çdo aplikacioni, por nuk duket që Apple të bëjë një gjë të tillë pasi është sikur të hedh benzinë zjarrit, duke shtuar më shumë furtunën e klasës së përdoruesve Android. Është interesante se në momentin kur Tech-Al po bënte këtë artikull votuesit që kishin votuar aplikacion ishin vetëm 1 dhe 5 por pas daljes së lajmit duket që pati shumë që i kanë dhënë vlersime edhe 2,3 dhe 4, por gjithsesi vlersimi me 1 mbanë rekord. /Tech-Al.Info/